Liborio Del Giudice

Non mi definisco minimamente un poeta, sono soltanto una persona che attraverso la scrittura riesce a esprimere gli stati d'animo, i sentimenti che mi legano alla Processione dei Misteri. Ho preferito scrivere le mie composizioni in dialetto Siciliano, semplicemente per cercare di rimarcare maggiormente il significato profondo che attribuisco alle composizioni stesse. Non pretendo complimenti, ma almeno la gente che legge, apprezzi qualcosa di mio.

I Misteri Dulurusi

Si Trapanisi?
Jo si!
Un capisci?
Chi c’è ri chiù m’portanti n’tà stà bedda Trapani?
I Misteri Dulurusi!
tutti e vinti beddi!
ciuriti, frischi i ciuri!
Addumati li cannili.
Tutto e prontu!
Li Massara tutti tisi,
chi pi n’coddu portan li vari,
pi tuttu lu jornu e la notti,
pi l’aiba e pa matina.
Li Consuli profumati e pittinati,
cu a lu pettu lu stemma ru propriu Cetu.
Li veduvidde cu lu voitu afflittu,
chiancinu comu la nostra amata Addulurata
li cristiani tutti accurrinu a sti Misteri Dulurusi.
E jo fremu.
Pi stà Processiuni,
a Processiuni dulurusa di lu nostru Signuri.
Arrestu comu un pezzu ri lignu
appena n’tonanu i primi noti funebri.
Jo che da picciriddu
appressu a lu Misteri di li Custureri
pensu e ripensu ogni annu,
a quantu pi mia su m’portanti li Misteri,
chini ri ricordi tristi e beddi.
A li vicendi chi m’annu successu,
da la prima vota chi purtai a cannila n’Processioni
o a quannu purtai in spadda lu Misteri.
Mi ricordu e comu no!
Pisava e puru assai mi facia mali la spadda.
Oh Misteri,Misteri Dulurusi!
Chini ri ciauru di cira e ciuri,
tu chi li viri cerca di capiri rintra ri tia,soccu su li Misteri.
Viviri ri annu e annu du jorna comu lu Signuri.

Liborio Del Giudice 2004.

Mè Nanna e u' Misteri

Comu vu cuntu?…
Sugnu n’ammuratu,
n’ammuratu,ri du Misteri !
lu Misteri di li Custureri
“A Deposizioni” lu n’nominaru,
un sacciu cui e quannu,
sacciu sulu chi era lu Misteri ri mè nannu
iddu puru custureri.
So muggheri,la me nanna
Quannu moru pensaci tù.
Lu viri,stu linzolu?
Cu li mè manu lu fici,
cu tantu amuri e divuziuni.
A Deposizioni apparteni.
Si ci posa lu Signuruzzu,
scinnutu appena di la cruci.
E sti fazzuletti?
n’ta li manu ra Maddalena,ri Maria e Giuvanni su tinuti,
e stu drappu:supra a cruci avi a ghiri.
E mi rissi puru:figghiu meo,
stai attentu fallu pi mia!.
Appressu “A Deposizioni” a ghiri,
e ricorda quannu un jornu,jò un ci sugnu chiù,
nun ti preoccuparijo ti taliu,
ti taliu da lu pararisu
e cuntenta sarò sempri…
sa “A Deposizioni” tu ci teni.

Liborio Del Giudice 2004.

Matri Addulurata

Taliatila tutti,
o voi cristiani,
unne bedda?
Ma a talialla bona
chianci,chianci
pi lu nostru Signuri.
Lu so figghiu Salvaturi.
Chi n'ta la cruci muriu
Pi sailvarini da lu piccatu.
Oh, Matri Addulurata
semu tutti vicinu a tia,
pi consulariti ru stu ranni duluri
lu duluri du to cori,
pi to figghiu Salvaturi.
Ma niautri ricurdamu
chi dopu la morte di lu Signuri,
dopu tri jorna Risusciterà.

Liborio Del Giudice 2005.

'A Ciaccula Canterina

E' un pezzu ri lignu,
e appizzati cu un filu ri corio
ci su du tavuletti.
A virila un pari nenti
un pezzu ri lignu insignificanti,
ma in verità è una cosa m'portanti,
servi pi scanniri i battuti duranti a Prosessioni,
a processioni di li Misteri.
Pari chi quannu si usa
quasi canta.
La porta n'ta li manu lu Capurali
lu capu di li Massari,
iddu avi stu compitu accussi m'portanti
du coipa ri ciaccula,sa isa u Misteri
un coipo si posa n'terra.
Tuttu lu jornu finu alla notti
e all'aiba finu a la matina
si senti cantari a ciaccula canterina.
Si! Si senti cantari
pu u Capurali è accussì
stu pezzu ri lignu d'origini spagnola
e pi iddu a ciaccula cantarina.

Liborio del Giudice 2004.

Ri Notti!

Ri notti!
Ni stradini nichi ri Trapani
passanu i Misteri,
strati senza luci
cu sulu la luci ri cannili di vari,
si riflettinu ni mura di casi
l'ummire di Misteri;
Cu lu ciauru di cira e di vinu.
Parinu quasi,quasi,
chi si movinu suli.
Li Massari chi l'annacanu,
a voti stà'nnacata esaspirata
s'ammazzanu cu n'coddu lu Misteri.
Fannu quasi scantari,
viriri sti ummiri chi si movinu,
si li tali in facci pari chi ti talianu
cu lu jocu di li luci.
E' pi davveru na bedda sensaziuni!
Ma sulu cu avi a cori i Misteri,
saccorgi ri tuttu chistu.

Liborio Del Giudice 2005.

I Scinnuti

Semu junti nu periudu di Quaresima.
Cumincianu i Scinnuti.
Finaimenti!
Già si senti aria ri Processioni,
appena un mise
e si ricumincia!
Ri annu e annu
sempri accusì si prepara tuttu pu Vennare Santu.
I Scinnuti sunnu comu na presentazioni comu n'antipastu,
n'assaggiu chi poì poiterà a lu doicce,
a Processioni di li Misteri.
Tutti i Vennare ri Quaresima,
si fannu sti Scinnuti,
i chiù sintuti sunnu la pima Scinnuta,
dopo un annu si sentinu i pimi noti funebri,
e si viri ripopulari a chiesa di Misteri.
Lautre chiù sintuti sunnu chidda di:
Lu Signuri ca cruci n'coddu e di l'Addulurata.
Dopu tuttu ciò inizia a Simana Santa.
E i Misteri!

Liborio Del Giudice 2005.

'U Capu Consule

Oh,Capu Consule,semu pronti pi stannu?
Ammomentu è ura ri nesciri u Misteri.
Picciottu bonu, nunchè Tappizzeri.
Iddu si chi senti a Processioni,
travagghia pu Misteri tuttu l'annu,
a via ri telefunate ai processiunanti
pi viriri si st'annu parteciperannu.
Si metti raccordu cu lu capu di li purtatura,
pi stipulari u prezzu chi avi a dari a ciascunu,
pi puttari u Misteri n'coddu.
Organizza riunioni cu i cullaburaturi pi viriri u da fari.
E tutti n'semmula emu a sentiri a banda sunari.
Oh Nino!St'annu chi facemu niscemu ca Paxe o cà Catanisa?
No,megghiu a trasuta a Catanisa.
E rirennu e schezzannu,
decidemu a marcia ri fari pà niscuta e a trasuta ru Misteri.
Oh Nino!ni viremu pa Processioni!.

Liborio Del Giudice 2006.

CANZUNI DI MINZOGNI

Questa è una canzone che mi canta sempre la mia Bis-Nonna Giovanna Romano Barraco con i suoi 92 Anni ancora la ricorda a memoria. Racconta di una canzone fatta di menzongne.

VI CANTU NA CANZUNI DI MINZOGNI
E DI MINZOGNI LA VOGGHIU FINIRI,
STANOTTI MI SUNNAI CH'ERA JORNU
PIGGHIAI A ZAPPA E MINNIVI A ZAPPARI,
MI CUCCU SUTTA N'ARVULO DI CUTUGNU,
STINNIGGHIU NA MANU E PIGGHIU NU RANATO,
SINNADDUNAU A PADRUNA DI LI FICU,
CANAZZU CHI M'ARROBBI LI CIRASI?
MI TIRA NA PETRA E MINZETTA NO CACCAGNU
E SANGU MI NISCIU DU RINOCCHIU,
E NU MABBASTA NE FILU, NE STUPPA E NE SPILAZZO
PATTUPPARIMI STA FERITA DI LU VRAZZU.
AVITI VISTU VULARI I BABBALUCI
CHE CU LI CORNA AISANU I BALATI,
PASSA NA MUSCA E RUMPI SEI CANNATI
ANZI CIPUDDI NASCINU PATATI,
AVITI VISTU MAI SULI DI NOTTI
E SCICCAREDDI IUCARI E CARTI,
ERA DI NOTTI E VINTUNU URA SUNAVA,
LU CURVU, CI PRUIA ACQUA E LU VINU
LA ATTA, LA LIMOSINA CI RAVA
U SUCCI ERA VISTUTU DI PILLIRINO.
PACCHIANE', CHI VOI FA
CHISTU E' LU SPIZZIU, CHE ATTIA TI LU FA FFA'.

VIVA GESU’ E MARIA

Questa è un'altra canzone dove viene citata la Vita e la Via Crucis di Nostro Signore, la intona sempre la mia Bis-Nonna soprattutto nel periodo di Quaresima, e il Venerdì Santo prima della Processione dei Misteri la voglio recitata come se per me è una preghiera. La prima volta che l'ascoltai mi emozionai davvero, sentire queste parole da una donna anziana che ha imparato questa canzone quando era piccola!

***

O DIU SALVEREGGINA, O MADRE O BELLU FIGGHIU
PURTAU STU BEDDU GIGGHIU, E ROSE E CIURI,
U GIGGHIU, E’ LU SIGNURI, CHE N’TERRA SI INCARNAU
E POI SANTIFICAU A SAN GIOVANNI (E POI SANTIFICAU A SAN GIOVANNI)
E DURICI ANNI AVIA, SI PERSI LU SIGNURI
E ALLU TEMPIU, MEZZU AI DUTTURI FU TRUVATO (E A LU TEMPIU, MEZZU AI DUTTURI FU TRUVATO)
E A TRENTATRI ANNI INSULTI AVIA
E FU INCURUNATU CU TRI SPINI PUNGENTI
E IDDU CU PASSIONI ABBRAZZAU LA CRUCI (E IDDU CU PASSIONI ABBRAZZAU LA CRUCI)
ITTAU NA GRANNI UCI, CHIAMANNU LA SO MADRI
PRIANNU L’ETERNO PADRE, E POI SPIRAU (PRIANNU L’ETERNO PADRE, E POI SPIRAU)
E POI IN CIELU ACCHIANAU
CU TUTTI LI SO ANGIULI
SAN MICHELE ARCANGELU E GABRIELE
E SAN GABRIELE RICIA
VIA GESU’, VIVA MARIA!

Inzio Pagina